मौजे मढी, ता. पाथर्डी, जि. अहिल्यानगर येथे श्री कानिफनाथ महाराजांचे संजीवन समाधी मंदिर असून सदर मंदिर श्री कान्होबा उर्फ कानिफनाथ देवस्थान ट्रस्ट मढी नावाने नोंदणीकृत आहे.सदर न्यासाचा नोंदणी क्रमांक हा ई ८९/१९५४ असा आहे.

पर्यटन स्थळाचे नाव - श्री कान्होबा उर्फ कानिफनाथ देव ट्रस्ट मढी

 श्री कानिफनाथ महाराजांनी १० व्या शतकात समाधी घेतली असून सदर मंदिराची उभारणी १७ व्या शतकात झाली.

  सदर मंदिराचे बांधकाम दगडी असून सदर मंदिर परिसराचा आकार गड किल्ल्यासारखा आहे.

 सदर मंदिर आवारात मंदिराचे इतिहास सांगणारे अनेक शिलालेख आहेत.

  मंदिर आवारातील समाधीमंदिर, सभामंडप, ध्यानमंदिर, नगारखाना,बारदरी व गादीघर हे वास्तुरचनेचा भाग आहे.

  मंदिराच्या या वैशिष्ट्यपूर्ण रचनेमुळे सकाळी नाथसमाधीवर तर सायंकाळी ध्यानमंदिरातील महादेवाच्या पिंडीवर किरणोत्सव होतो

  चैतन्य कानिफनाथ महाराजांची समाधी दक्षिण उत्तर असून मूर्ती पूर्वाभिमुख तीन फुट उंचीची संगमरवरी आहे. नाथपंथीय वेशभूषेत बगलेत झोळी, शंख, डमरू, चिमटा, खडावा, मेखला, शिंगी, सारंगी, कुंडल, कमंडलू, कुबडी-फावडी, घुंगरू, रुद्राक्ष माळा, कंगण, गोपीचंद, अष्टगंध, भिक्षा पात्र आहे. उजव्या बाजूला चांदीचा त्रिशूळ आहे.

  वेब साईटवर अपलोड केलेला इतिहास हा पारंपरिक व रूढी परंपरेने चालत आलेल्या माहितीवर आधारित असल्याने देव ट्रस्टने आपले हक्क अबाधित ठेऊन अपलोड केलेला आहे.

• श्री क्षेत्र मच्छिंद्रनाथ गड ०९ कि.मी.
• श्री क्षेत्र वृद्धेश्वर ०९ कि.मी.
• श्री क्षेत्र जगदंबा देवी मोहटा १६ कि.मी.
• श्री क्षेत्र गोरक्षनाथ गड ५० कि.मी.
• श्री क्षेत्र शनीशिंगणापूर ४५ कि.मी.
• श्री क्षेत्र शिर्डी साईबाबा मंदिर १२० कि.मी.
• भुईकोट किल्ला अहिल्यानगर ४५ कि.मी.
• चांदबीबी महाल ३० कि.मी.