श्री कानिफनाथांची आरती

जय जय कानिफनाथ भगवन् योगिरज मूर्ति । पतितपावना ओवळू तुज सद् भावे आरती ॥ धृ.॥
ऋषभपुत्र श्रीप्रबुद्ध् नामें नारायण मुर्ती । गजकर्णामधे षोडष वर्षेकेली निजवस्ती ।।
नाथ जालिंदर कृपाप्रसादे वरिली ब्र्ह्यस्थिती । द्वादश वर्षेबद्रितरुवनी केली तपपूर्ती ।।
नग्न देव उफराटे देही झोंबकळे घेती । विनम्र भावे वस्त्रे नेसवुनि मिळवी वरप्राप्ती ।। १ ।।
गंध केशरी सुगंधी पुष्पें अत्तराची प्रीती । नेसुनि रेशमी वस्त्र भरजरी कफनी मोहक ती ।।
सुवर्णमुद्रा कर्णी बोटीं मुद्रिका खुलती । सुवर्ण गुंफित रुद्राक्षांची माळ गळा रुळती ।।
सुवर्ण मंडित पायी खडावा कुबडी सोन्याची । बालरवीसम तळपे मूर्ति दिनानाथ तुमची ।। २ ।।
गादी मखमली लोड गालिचा शिबिका अंबारी । छत्रचामरे चौरी ढाळिती होऊनी हर्षभरी ।।
चाले निशाण पुढती वाजे वाजंत्री भेरी । भालदार चोपदार गाती बीद्रावळी गजरी ।।
सत् शिष्यांचा मेळा संगे फिरसी अवनीवरी । हे नाथा तव थाट स्वारीचा वर्णू कोठवरी ।। ३ ।।
नाथा तुमचा राजयोग परी विरक्तता विषयीं । स्त्रीराज्यामधे मच्छिंद्रनाथे परिक्षिले समयी ।।
प्रेमे गोपीचंद रक्षिला असुनी अपराधी । जती जालिंदर प्रसन्न झाले केवळ कृपानिधी ।।
जन उपकारासाठी साबरी विद्या निर्मियली । सिद्धाहातीं ओपुनी अवनीवरती विस्तरली ।। ४ ।।
अवनी भ्रमुनि निजपंथाची महती वाढविली । समाधी स्थापुनि स्वानंदाने मढी पावन केली ।।
समाधिस्त परी अवनीवरी गुप्तरुपे फिरसी । जो कोणी भाग्याचा पुतळा तयासी अनुग्रहिसी ।।
गोरक्षांकित विठामाईचा दास गुरु भजनी । तव गुण गाता आनंदी झाला लीन चरणी ।। ५ ।।